Rapport tal-Attività tal-Bank Ewropew tal-Investiment 2017

Description

Impatt fil-Ġejjieni

Numru rekord ta’ negozji juri li l-Bank Ewropew tal-Investiment qed jappoġġa l-kumpaniji aktar żgħar u kumpaniji li għadhom fil-fażi tal-bidu li se jagħtu spinta lit-tkabbir u l-impjiegi għal deċennji, flimkien man-negozju tradizzjonali tiegħu ma’ entitajiet kbar.

Ir-Rapport jispjega l-attività tal-bank tal-UE matul l-2017, inkluż studji ta’ każijiet dwar l-appoġġ tiegħu għal:

• Innovazzjoni: kumpanija Estonjana fil-fażi tal-bidu b’superkapaċitatur
• SMEs: manifattur Portugiż ta’ ġugarelli tax-xjenza
• Infrastruttura: finanzjament għal kumpaniji żgħar Taljani tal-ilma biex jevitaw il-ħela
• Ambjent: kumpanija Franċiża b’mod intelliġenti ġdid biex tirriċikla titanju ta’ valur
• Żvilupp globali: kumpanija trasformattiva ta’ bankjar mobbli fl-Etjopja

Ir-Rapport jinkludi wkoll rapporti dwar l-investiment tal-BEI fiċ-ċibersigurtà, kif ukoll studju ekonomiku dwar l-impatt futur tal-investimenti tiegħu. Ir-Rapport jikkonkludi b’taqsimiet dwar is-self tal-Bank fis-swieq kapitali u l-governanza tiegħu, inkluż l-investigazzjonijiet kontra l-frodi, is-sostenibbiltà, u l-mekkaniżmu tal-ilmenti tiegħu.