Is ag an mBord Stiúrthóirí amháin atá an chumhacht le cinntí a ghlacadh maidir le hiasachtaí agus ráthaíochtaí. Chomh maith lena chinntiú go ritear an Banc i gceart, áirithíonn sé go ndéantar an Banc a bhainistiú ar bhealach atá i gcomhréir le forálacha an Chonartha agus an Reachta, agus leis na treoracha ginearálta a leagann síos na Gobharnóirí. Bíonn 28 stiúrthóir agus 31 stiúrthóir malartach ar an mBord Stiúrthóirí. Is iad na Gobharnóirí a cheapann iad go ceann tréimhse in-athnuaite cúig bliana. Ainmníonn gach Ballstát stiúrthóir amháin agus ainmníonn an Coimisiún Eorpach stiúrthóir eile. Ainmníonn na Ballstáit na stiúrthóirí malartacha de réir a sciar caipitil agus chomhaontú a dtogh-ghrúpa. Ainmníonn an Coimisiún comhalta malartach amháin chomh maith.
Ina theannta sin, d’fhonn cur le saineolas gairmiúil an Bhoird Stiúrthóirí i réimsí áirithe, is féidir leis an mBord seisear saineolaithe ar a mhéad a chomhthoghadh (triúr Stiúrthóirí agus triúr Stiúrthóirí Malartacha), a ghlacann páirt i gcruinnithe an Bhoird i gcáil chomhairleach, gan ceart vótála a bheith acu.
Glactar cinntí le tromlach de thrian ar a laghad de na comhaltaí atá i dteideal vótáil agus a dhéanann ionadaíocht ar 50% ar a laghad den chaipiteal suibscríofa nó, i réimsí a bheidh sainmhínithe go soiléir, le hocht vóta dhéag ar a laghad ina bhfabhar, a dhéanann ionadaíocht ar 68% ar a laghad den chaipiteal suibscríofa.
Beidh Uachtarán an Choiste Bainistíochta nó, má bhíonn sí as láthair, duine de na Leas-Uachtaráin, i gceannas ar chruinnithe an Bhoird Stiúrthóirí ach ní vótálfaidh sí.
Eolas tábhachtach:
- Luach saothair chomhaltaí Chomhlachtaí Reachtúla an BEI
- Reacht an BEI
*Léiriú iad dathanna na rónna ar thogh-ghrúpaí éagsúla na dtíortha ar Bhord Stiúrthóirí an BEI.
Scrúdaíonn na saincheisteanna beartais a eascraíonn as rannpháirtíochtaí cothromais, idir dhíreach agus indíreach, atá i seilbh an BEI nó atá faighte aige.
Pléann agus tugann comhairle don Bhord Stiúrthóirí ar bheartais riosca an Bhainc, lena n-áirítear na beartais siúd a bhaineann le gnéithe de Ghrúpa an BEI.
Pléann agus déanann moltaí maidir le cúrsaí buiséid agus luacha saothair foirne mar ullmhúchán do na díospóireachtaí agus na cinntí ina dhiaidh sin.
Tugann an Grúpa Comhairleach tuairimí neamhcheangailteacha do Bhord Stiúrthóirí an BEI ar thograí maoinithe a bhaineann le gníomhaíochtaí lasmuigh den Aontas Eorpach.