Prijoritajiet għall-prosperità: Ir-Rapport tal-Attività tal-Grupp tal-BEI għall-2024

Description

In-nies u n-negozji jistennew li l-Ewropa tappoġġa l-investimenti għall-futur. Investimenti li jtejbu l-ħajjiet. Investimenti li jsaħħu s-sigurtà u joffru opportunitajiet ġodda. Fl-2024, il-Grupp tal-BEI żvela Pjan Direzzjonali Strateġiku li jagħmel proprju dan. B’dan il-pjan organizzat madwar l-attivitajiet strateġiċi ewlenin tagħna, qegħdin nimmiraw li naċċelleraw it-tranżizzjoni ekoloġika, nagħtu spinta lill-innovazzjoni teknoloġika, insaħħu s-sigurtà u d-difiża, u nappoġġaw il-koeżjoni reġjonali u l-infrastruttura soċjali. L-impenn tagħna għall-iżvilupp internazzjonali u l-integrazzjoni tas-swieq kapitali jissalvagwardja l-preżenza globali qawwija tal-Ewropa. Il-prijoritajiet tagħna jagħtu spinta lit-tkabbir, il-prosperità, u l-progress teknoloġiku u soċjali fl-Istati Membri individwali, fl-Unjoni Ewropea kollha u madwar id-dinja. Huma allinjati mal-aġenda tal-mexxejja tal-Ewropa dwar il-kompetittività, l-awtonomija strateġika u s-sigurtà ekonomika. Il-ħidma tagħna f'dawn l-oqsma tikkontribwixxi għal vuċi b’saħħitha għall-Ewropa madwar id-dinja u tgħin biex jiġu indirizzati l-isfidi ġeopolitiċi tal-lum. Dan ir-rapport jenfasizza proġetti li jinkapsulaw il-ħidma tagħna f’kull waħda minn dawn il-prijoritajiet.